تابعونا عبر شبكات التواصل الإجتماعى

حديث السوق

احمد عاصم

7-04-2013

فى مصر مجهودات لوزارة الداخلية لتحقيق الاستقرار ودعم مستمر للحكومة المصرية للأجهزة الأمنية.

هى: مش شايفين حاجة.. مش حاسين بحاجة البلطجة والسرقة عينى عينك وفى عز الظهر.. الناس عايشة فى رعب ونفسها فى الاستقرار.

هو: بس حقيقى فيه مجهودات للأجهزة الأمنية وكل يوم شهداء من رجال الشرطة وده فى حد ذاته دليل واضح على إيجابية التعامل مع الأحداث لتحقيق الاستقرار.

هى: بس من الواضح.. والواضح جداً.. إن التمن حيكون غالى.. وناس بتروح.. لأن مفيش ردع.

هو: قصدك إيه؟!!

هى: قصدى إن الشرطة بتمسك البلطجية والنيابة بتفرج عنهم.. يا فرحتى البلطجى لازم يحاسب.. لازم يعدم مفيش هزار.. المرحلة اللى بتمر بيها مصر عايزة كده.. هات بلطجى واعدمه بعد كده ابقى قابلنى لو حد يفكر يبلطج.

هو: كلامك فيه كتير صح.. لإن وزارة الداخلية فعلاً وجهت اتهامات غير مباشرة للنيابة العامة بالوقوف وراء عجز الداخلية عن القيام بمهمتها لحفظ الأمن وذلك من خلال الإفراج عن جميع البلطجية المقبوض عليهم فى ميدان التحرير رغم حيازتهم الأسلحة البيضاء وقنابل المولوتوف.. الكلام ده قاله اللواء إسماعيل عز الدين بمديرية أمن القاهرة وقال إن الأمور وصلت إلى قيام النيابة العامة بالإفراج عن أحد البلطجية الذى شاهده رئيس الوزراء وهو يفرض إتاوات على أصحاب السيارات الملاكى بواقع عشرة جنيهات لكل سيارة.. فى الفترة الماضية من يناير وحتى مارس الماضى تم القبض على 600 بلطجى والنيابة العامة أخلت سبيلهم كلهم!!

بس برضه عايز أقول حاجة!!

هى: اتفضل قول.. اكتر من كده قوالة!!

هى: النيابة العامة بتشتغل من خلال أدلة وثبوت أدلة مش أى كلام!!

هى: ياعم حد قال أى كلام.. لكن بيقولك بلطجية وأسلحة بيضاء.. واحد بياخد إتاوات ورئيس الوزرا شخصياً شافه.. يا نهار أسود ومنيل بسواد إيه يا جماعة فيه إيه تانى.. الشرطة حتشتغل إزاى.. أمسك من هنا وتفرج من هنا.. عملنا إيه؟!

الله يصبحك ويمسيك بكل خير يا سعيد يا صالح. استك منه فيه.. أشده ويلسعنى.. طب بتشده ليه؟! عشان يلسعنى!!

مقالات احمد عاصم

المزيد

أراء

إستطلاع رأي

هل حققت المشروعات الوطنية والبنية التحتية نجاحا إقتصاديا مؤثرا؟

النشرة البريدية

إدخل بريدك الإلكترونى لتصلك أخر الأخبار الإقتصادية المصرية و العربية